ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 32 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ
ⵜⴷⵔⵓ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵓⵜⵍⵜ ⵜⴰⵙⴳⴳⵯⵙⴰⵏⵜ ⵜⵉⵙ 32 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⵜⵖⵔⵎⵜ ⵏ ⴱⵓⵔⵜⵓ ⴳ ⵍⴱⵓⵔⵜⵓⵖⴰⵍ, ⴳ 29 ⵢⵓⵏⵢⵓ ⴰⵔ 03 ⵢⵓⵍⵢⵓⵣ 2025 ⴷⴷⵓ ⵜⵎⴰⵜⴰⵔⵜ: ⴰⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 50 ⵏ ⵜⴻⵜⴳⴰⵔⵜ ⵜⴰⵎⴳⴳⴰⵔⵓⵜ ⵏ ⵀⵉⵍⵉⵏⵙⴽⵉ: ⵜⴰⵎⵔⴰⵔⵓⵜ ⵏ ⵜⵉⵍⴰⵡⵜ ⵜⴰⵎⴰⵢⵏⵓⵜ ⴳ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ.
ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⵉ ⵓⵎⵢⴰⵡⴰⵙ ⴳ ⵜⵎⴰⴷⴷⴰⵙⵜ ⴰⴷ, ⵢⵓⵎⴰ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉⴷ ⵎⴰⵙⵙ: ⵎⴰⵕⵡⴰⵏ ⵛⴱⴰⵄⵜⵓ, ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵅⴰⵍⵉⴷ ⵃⴰⵜⵉⵎⵉ ⵙⴳ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵏⴰⵊⵉⴱ ⵍⵅⴰⵍⵉⴷⵉ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ. ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴷ ⵎⴰⵙ: ⵎⵓⵃⴰⵎⵎⴰⴷ ⵃⴰⵏⵉⵏ ⵙⴳ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵉⵏⵙⵉⵎⴰⵏⵏ, ⵎⵓⵃⴰⵎⵎⴰⴷ ⴰⵢⵜ ⵉⵚⵃⴰ ⵙⴳ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⴰⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ ⴷ ⵉⵙⵏⴼⴰⵔⵏ ⵏ ⵉⵙⵖⵍⴰⴼ, ⴰⵎ ⵜⴰⵙⵇⵇⵉⵎⵜ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⴰⵔⵉⵏ ⵜⵉⵏⴼⴳⴰⵏⵉⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ ⴷ ⵡⴰⵡⵏⴰⴹ, ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ.
ⵜⵍⵍⴰ ⵜⵙⵓⵜⵍⵜ ⴰⴷ ⴳ ⵉⵙⴰⵜⵉ ⵏ ⵜⵏⴰⵥⴰⵕⵉⵏ ⴳⴳⵓⵜⵏⵉⵏ ⵣⴷⵉⵏⵉⵏ ⴷ ⵉⵎⴰⵖⴰⵏ ⴷ ⵉⴷⵔⵉⵣⵏ ⴼ ⵓⵔⴳⵉⴳ ⴳ ⵜⵙⴳⴰ, ⵉⵍⵍⴰ ⵓⵎⴹⴰⴽⴰⵕ ⵏ ⵜⵓⴳⵜ ⵏ ⵉⵙⵏⵜⵍⵏ ⴰⵎ ⴰⵎⴹⴰⴽⴰⵕ ⵏ ⵜⴰⵙⵙⴰⵙⵉⵏ ⵏ ⵜⵏⴼⵔⵓⵜ ⴷ ⵜⵙⵔⵜⵉⵜ ⴷ ⵓⴼⴳⴰⵏ ⴳ ⵓⵕⵓⴱⴱⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ. ⵖⵎⴽ ⴰⵏⵏ ⵓⵍⴰ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⵣⵡⴰⴳ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵍⴻⵍⵍⵉ ⵏ ⵜⵏⵖⵎⴰⵙⵜ ⵉ ⵓⵚⴽⵓ ⵏ ⵡⴰⵎⴰⵏ ⴰⴷⵉⵎⵓⵇⵔⴰⵟⵉ ⴰⵎⴰⵜⴰⵢ.
ⵜⴳⴰ ⵜⵙⵓⵜⵍⵜ ⴰⴷ ⵜⴰⵎⵍⴷⴰ ⵉ ⵓⴽⴰⴱⴰⵕ ⴰⵎⵖⵔⵉⴱⵉ ⵉ ⵓⵎⵢⴰⵡⴰⴹ ⴰⴽⴷ ⵉⵡⴰⵏⴽⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ, ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵉ ⵚⴰⵃⴰ ⵏ ⵜⵏⵓⴼⴰ ⵏ ⵜⴳⵍⴷⵉⵜ ⴷ ⵓⵙⴷⵓⵙ ⵏ ⵜⵉⵍⵉⵜ ⴷ ⴰⵎⴷⵔⴰⵡ ⵉⵕⵡⴰⵏ ⴳ ⵉⵙⴰⵜⵉ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ.