ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⴷⵔⵓ ⵎⴰⵙⵙ ⵄⴰⴱⴷ ⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⴰⵎⴳⴳⴰⵔⵓⵜ ⵜⵉⵙ 15 ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵙⵙⵉⵏⵉⴳⴰⵍ
ⵉⴷⵔⵓ ⵎⴰⵙⵙ ⵄⴰⴱⴷ ⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⴰⵎⴳⴳⴰⵔⵓⵜ ⵜⵉⵙ 15 ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵙⵙⵉⵏⵉⴳⴰⵍ, ⵉⵍⵍⴰⵏ ⴳ ⴷⴰⴽⴰⵕ ⴰⵙⵙ ⵏ 30 ⵢⵓⵏⵢⵓ 2025.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴳⴰⵎⴱⵢⴰ, ⴷ ⵉⴷ ⴱⴰⴱ ⵏ ⵜⵙⵔⵜⵉⵜ ⵙⵜⴰⵡⵎⵎⴰⵏⵉⵏ ⴷ ⵉⵏⴱⴳⵉⵡⵏ ⵏ ⵡⴰⴷⴷⵓⵔ ⵙⴳ ⵜⵙⴳⴰ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ.
ⴳ ⵜⴳⵓⵔⵉ ⵏⵏⵙ, ⵉⵙⵓⵜⴳ ⵎⴰⵙⵙ ⵍⴼⴰⵙⵉ ⵍⴼⵉⵀⵜⵉ ⵉⵙⵜⴰⵢⵏ ⵉⵎⴳⴳⵓⵔⴰ ⴳ ⵙⵙⵉⵉⴳⴰⵍ ⴳ ⵜⴳⵉⵔⴰ ⵏ 2024, ⵙ ⵓⵙⵓⵜⴳ ⵏ ⵡⴰⵏⴹⴰⴼⵏ ⵉⴳⵔⴰⵖⵍⴰⵏⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⴰⵖⵔⵎⴰⵏ. ⵉⵙⵓⵜⴳ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵓⵔⵙ ⵏ ⵉⵙⵜⴰⵢⵏ ⵉⵣⵣⵔⴰⴼⵏ ⴰⵢⵍⵍⵉ ⵉⵎⵎⴰⵍⴰⵏ ⴰⵙⵖⵡⵏ ⵏ ⵙⵙⵉⵏⵉⴳⴰⵍ ⵙ ⵜⴷⵉⵎⵓⵇⵔⴰⵟⵉⵜ ⴷ ⵜⵎⵙⴽⴰⵔ ⵜⵉⵙⵔⵜⴰⵏⵉⵏ ⵥⵉⵍⵏⵉⵏ, ⴰⵢⵍⵍⵉ ⵉⵙⵙⴷⵓⵙⵏ ⴰⴷⵖⴰⵔ ⵏⵏⵙ ⴷ ⵜⴰⵔⵙⵍⵜ ⵉ ⵜⴷⵉⵎⵓⵇⵕⴰⵟⵉⵜ ⴳ ⵉⴼⵔⵉⵇⵢⴰ.
ⵉⵙⵓⵜⴳ ⵎⴰⵙⵙ ⵄⴰⴱⴷ ⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ, ⴰⵢⵍⵍⵉ ⵉⴱⴷⴷ, ⴼ ⵓⵎⵣⵔⵓⵢ ⴷ ⵜⵣⴷⴰⵢⵉⵏ ⵜⵉⵏⴼⴳⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵙⵔⵜⴰⵏⵉⵏ ⴷⵓⵙⵏⵉⵏ. ⵖⵎⴽ ⴰⵏⵏ ⴷ ⵜⵓⴷⵙⵉ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ, ⵙ ⵜⴷⵉⵏⴰⵎⵉⵜ ⵏ ⵜⵣⴷⴰⵢⵉⵏ ⴰⴷ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ.
ⵉⵙⴷⴷⵉⴼ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴼ ⵡⴰⵜⵉⴳ ⵉⵥⵉⵍⵏ ⵍⵍⵉ ⵜⴰⴽⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⵙⵍⴰⵡⵏ ⴰⴽⴽⵯ ⴰⴽⴷ ⵉⵡⴰⵏⴽⵏ ⵏ ⵉⴼⵔⵉⵇⵢⴰ, ⵉⵙⴰⵡⵍ ⴼ ⵉⵙⵏⴼⴰⵔⵏ ⵛⵛⴰⵔⵏⵉⵏ ⵍⵍⴰⵏⵉⵏ ⴳ ⵓⵎⵏⵉⴷ ⴰⴷ ⴰⵎ ⵉⵙⵏⴼⴰⵔⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵓⵎⵢⴰⵡⴰⵙ ⴰⴷⵍⵙⴰⵏ ⴷ ⵓⵙⴳⴷⴰⵏ.
ⵉⵙⴷⴷⵉⴷ ⵎⴰⵙⵙ ⵍⴼⴰⵙⵉ ⵍⴼⵉⵀⵔⵉ ⵎⴰⵙ ⴰⵔ ⵜⴰⴽⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵜⵉⴳ ⴰⵎⵇⵔⴰⵏ ⵉ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵏⵏⵙⵏⵜ ⵜⴰⴽⴰⵍⴰⵏⵜ, ⵉⵙⵓⵜⴳ ⴰⴷⴷⴰⴷ ⵏ ⵙⵙⵉⵏⵉⴳⴰⵍ ⵉⵙⵏⴰⵍⵏ ⵜⴰⵎⵙⴰⵔⵜ ⵜⴰⵎⵣⵡⴰⵔⵓⵜ ⵏ ⵍⵎⵖⵔⵉⴱ: ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⵉⵙⵎⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⴽⵛⵛⵓⵎⵜ ⵏⵏⵙ ⵙ ⵉⵙⵉⵡⵍ ⴼ ⵓⵏⴰⵔⵓⵣ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵕⵚⵓ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⴽⴷ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵙⵙⵉⵏⵉⴳⴰⵍ; ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ, ⴷ ⵓⵣⴷⴰⵢ ⴳ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⴷ ⵉⵙⴳⴰⵡⴰⵏⵏ ⵉ ⵚⴰⵃⴰ ⵏ ⵓⴼⵔⴰ ⴷ ⵜⴳⵎⵉ ⴷ ⵜⴷⵉⵎⵓⵇⵔⴰⵟⵉⵜ ⴳ ⵉⴼⵔⵉⵇⵢⴰ.